Það eru fjölmargir Íslendingar sem halda í sumarfrí til Danmerkur ár hvert. Þessir Íslendingar eru í góðum félagsskap í ár þar sem Hollywood-stjarnan Reese Witherspoon ákvað að skella sér til Kaupmannahafnar á dögunum.
Witherspoon birti myndir úr ferðinni á Instagram. Hún birti meðal annars mynd af sér á hjóli fyrir framan lúxushótelið Hotel d’Angleterre. Hún skoðað einnig svæðið í kringum Christiansborg og kíkti á matarmarkaðinn Kødbyen.
Leikkonan náði að gera mikið á stuttum tíma. Skömmu seinna var hún komin yfir til Stokkhólms þar sem hún smakkaði meðal annars kanilsnúða.