Feðradagurinn var haldinn hátíðlegur í Bandaríkjunum þann 16. júní síðastliðinn. Dagurinn er tileinkaður feðrum og er ætlað að heiðra feður, föðurhltverkið, föðurtengsl og áhrif feðra í samfélaginu.

Feðradagsgjafir hafa verið vinsælar á undanförnum árum í tilefni dagsins og ýmsar verslanir sem auglýsa sérstaklega gjafir fyrir feður í aðdraganda dagsins. Þá hefur einnig verið vinsælt að gefa út lista yfir hugmyndir af feðradagsgjöfum og gaf Goop, lífsstílsvefur Gwyneth Paltrow, út slíkan lista í ár sem vakti mikla athygli.

Listinn hefur verið gagnrýndur fyrir að innihalda mikið af gjafahugmyndum sem þykja úr takt við hefðbundnar feðradagsgjafir, en á listanum er mikið af dýrum gjöfum sem fæstir hafa efni á.

Á meðal þess sem mælt er með að gefa í feðradagsgjöf er ferðalag sem ber heitið „Norrænt ævintýri“, en þá er ferðast með einkaþotu og farið í lúxussiglingu til Reykjavíkur, Grænlands, Helsinki, Tallinn, Kaupmannahafnar og Færeyja. Það er óhætt að segja að þessi feðradagsgjöf sé í dýrari kantinum, en hún kostar 16,5 milljónir á mann. 

Á listanum má einnig finna ísskáp sem kostar um 178 þúsund krónur, námskeið í viðskiptum sem kostar rúmar 385 þúsund krónur, ferðalag til Alaska sem kostar rúmlega 1,2 milljón á mann og kajak sem kostar tæplega hálfa milljón. 

Tengdar fréttir

Furðulegt á ferðalögum

Upplifði menningarsjokk á Íslandi

• Snjókoma í júní vekur heimsathygli á TikTok
• Sigrún og Anna með yfir 5 milljón áhorf á TikTok eftir ruglferð til Mónakó
• Birgitta Haukdal nærir sálina á Balí
• Festi ótrúlegt sjónarspil við eldgos á filmu

» Fleiri tengdar fréttir

• Blogga um frétt