Breski skurðlæknirinn Karan Rangarajan, einnig þekktur sem Karan Raj á samfélagsmiðlum, vakti mikla athygli á dögunum þegar hann deildi óvenjulegu ráði við bílveiki á TikTok.

Í myndbandinu, sem hefur farið eins og eldur um sinu á samfélagsmiðlum, segir læknirinn frá því að það að þefa af sítrónu geti hjálpað þeim sem upplifa bílveiki í langri bílferð. Hann segir að sterk sítrónulyktin geti truflað svokallað randandakerfi í heilanum, sem stjórnar meðal annars ósjálfráða taugakerfinu, en það geti gert það að verkum að einkenni bílveiki minnki.

„Lyktarskynið er nátengt randakerfinu sem stjórnar t.d. ógleði, þannig að ef þú andar að þér sítrónuilmi þá örvar þú randakerfið til að losna við ógleðina,“ segir hann. Þá er sítrónuilmurinn sagður auka munnvatnsframleiðslu og róa magann.

Raj bendir þó á að þetta ráð eigi kannski ekki við alla, en hann mælir með því að fólk prófi sig áfram með aðra ilmi, eins og engifer, piparmintu eða hvaða sítrus ávöxt sem er. Hann bætir svo við að þetta geti virkað vel sem bjargráð fyrir einhverja og sé algjörlega áhættulaust. Það sakar ekki að prófa!

New York Post

Tengdar fréttir

Ferðaráð

Af hverju haga ferðamenn sér svona illa?

• Flugfreyja útskýrir kuldann í flugvélum
• Evrópumatarferð Beckhams
• Biðlar til ferðamanna að láta íslenska mosann í friði
• Lífið fyrir norðan er æðislegt

» Fleiri tengdar fréttir

Á ferðalagi

Friðþóra og Patrik í ástarfríi á Spáni

• Helga Magga kleif fjöll og firnindi ásamt vinkonunum
• Smakkaði krókódíla-takkó í Zimbabwe
• „Hrátt flug“ heitasta sumartískan
• Aðalskvísur landsins njóta lífsins í Króatíu

» Fleiri tengdar fréttir

• Blogga um frétt