Í tilefni afmælisins blés poppdrottningin til heljarinnar afmælisveislu á sama glæsihóteli og söng- og leikkonan Jennifer Lopez dvaldi fyrr í sumar, hótelið Positano's Villa TreVille.
Fimm stjörnu hótelið er þekkt fyrir stórkostlegt útsýni yfir hafið og kostar nóttin þar allt frá 275.000 krónur, en hótelið er sagt vera eitt það glæsilegasta á heimsvísu og býður upp á mikla slökun og næði.
Afmælisgestirnir voru um 30 talsins og var einnig boðið út að borða í fornu borginni Popeii þar sem sögulegar fornminjar gleðja augað hvert sem lititið er. Veitingastaðurinn Quattro Passi undir umsjón kokksins Vincenzo Castaldo sá um að gera matarupplifunina ógleymanlega í afmæli Madonnu. Castaldo töfraði fram veislumat með ítalskri matargerð sérsniðinni að hefðum sem þekkjast aðeins á Amalfi-ströndinni.
Áður en haldið var á hótelið stoppuðu Madonna og hennar nánustu í fornu leikhúsi þar sem þau sáu flutning ungra listamanna sem eru hluti af góðgerðarverkefni Madonnu sem heitir Sogno di Volare, eða Draumur um að fljúga á íslensku.
Einnig fengu þau leiðsögumann sem sýndi þeim merkilegustu minjar Pompeii-borgar.
Á samfélagsmiðlum deildi tónlistarkonan fjölmörgum myndum frá afmælisdeginum og hún virtist vera yfir sig hamingjusöm, en þetta er ekki í fyrsta sinn sem hún ferðast til Ítalíu. „Aftur mætt til Ítalíu... Til hamingju með afmælið ég,“ skrifaði hún við myndaseríuna.