Þrír trylltir bátar sem þú getur gist á
Setja bókamerki
Dreymir þig um að gista á bát? Á bókunarvef Airbnb er úrval af húsbátum sem bjóða upp á ævintýralega gistingu víðsvegar um heiminn.
Ferðavefur mbl.is tók saman fimm húsbáta sem eru sérlega glæsilegir þegar kemur að hönnun þeirra, en þeir bjóða einnig upp á töfrandi útsýni um gluggana sem líkjast helst málverki.
Villa í Hollandi
Lúxus og náttúrufegurð sameinast í þessari glæsivillu í Hollandi. Í hönnuninni var innblástur fenginn úr náttúrunni í kring og áhersla lögð á fallega áferð sem þar finnst, til dæmis bambus, rattan og rey.
Húsbáturinn sátar af tveimur svefnherbergjum og einu baðherbergi, en þar rúmast allt að fjórir næturgestir hverju sinni. Nóttin kostar 517 bandaríkjadali, eða sem nemur tæpum 72 þúsund krónum á gengi dagsins í dag.
Svarti svanurinn í Hollandi
Þessi flotta villa sem kallast Svarti svanurinn (e. black swan) svífur á vatni í Oostknollendam í norðurhluta Hollands. Rólegheitin eru í forgrunni í þessari villu sem hefur verið innréttuð á glæsilegan máta, en hún býður einnig upp á fallegt útsýni um stóra glugga.
Alls eru þrjú svefnherbergi og tvö baðherbergi í húsbátnum sem rúmar allt að sex næturgesti hverju sinni. Nóttin kostar 547 bandaríkjadali, eða sem nemur um 76 þúsund krónum.
Kósíheit í Hamborg
Á friðsælum stað í Hamborg í Þýskalandi er að finna þennan notalega húsbát. Kósíheitin eru í forgrunni í bátnum sem er með stórum gluggum. Þó svo að efniviður úr náttúrunni sé áberandi í húsbátnum fær litagleðin að njóta sín í húsmununum sem skapar skemmtilega stemningu.
Eitt svefnherbergi og eitt baðherbergi eru í bátnum sem rúmar allt að fjóra næturgesti hverju sinni. Nóttin kostar 188 bandaríkjadali, eða sem nemur rúmum 26 þúsund krónum.
Synjað um áfrýjun meiðyrðamáls
Vantar fjölskyldur í fyrsta skipti
Starfsmennirnir móta stefnuna
Grímuklæddur maður ógnaði stúlkum með hnífi
„Vita ekkert hvað þeir eru að fara að borga“
Ísland stendur sig verst
/frimg/1/51/33/1513338.jpg)
