Ferðalög | Ferðalög erlendis | mbl | 8.9.2024 | 20:00

11 töfrandi veitingastaðir í París

Franskur matur þykir sá besti í heimi. Unsplash/Camille Brodard

Borgarferðir eru vinsælastar með haustinu, í kringum jólatímann og einnig á vorin. Þau sem ætla að leggja leið sína til Parísar á næstunni ættu að kíkja á þessa veitingastaði. Kokkurinn Andrea LeTard deildi uppáhalds veitingastöðum sínum í París með fylgjendum sínum á Instagram og eru margir þeirra mjög heillandi.

Ralph's fyrir dásamlegan hádegismat. Hann er staðsettur í Ralph Lauren versluninni á götunni 173 bd St. Germain.

Ralph's í París.

Closerie des Lilas er klassískur staður með góðum skelfiski og sjávarréttum. Hann er á götunni 171 Boulevard du Montparnasse.

Closerie des Lilas.

La Fontaine de Mars fyrir ekta franskan, rómantískan kvöldverð. Dúkarnir eru rauðköflóttir eins og í frönsku bíómyndunum. Staðurinn er á götunni 129 rue Saint Dominique.

La Fontaine de Mars.

Le Petit Chatelet til að sitja úti í góðu veðri, horfa á fólk og fallega útsýnið. Á götunni 39 Rue De La Bucherie.

Le Petit Chatelet.

Bistrot de L'ouette er falinn demantur og einn besti hádegisverður sem þú færð í París. Hann er staðsettur á götunni Rue des Tournelles númer 38.

Bistrot de L'ouette.

Altro Frenchie er góður ítalskur staður að hætti Frakkans. Maturinn er fínn, klassískur og ofsalega góður. Á götunni 9 Rue du Nil.

Altro Frenchie.

Le Select, Le Dome og La Rotonde fyrir pöbbarölt og gómsætan mat í anda þriðja áratugarins. Le Select er á 204 rue Saint Denis, Le Dome á rue Saint Dominique og La Rotonde á 2 Place D Estienne D Orves í Montparnasse-hverfinu.

Le Select.

Harry's Bar fyrir kokteila. Margir af frægustu kokteilum heims urðu til þar en staðurinn var opnaður fyrst árið 1911. Hann er á götunni 5 Rue Daunoue.

Harry's Bar.

Frenchie fyrir töfrandi og hlýlega stemningu. Frenchie er með eina Michelin-stjörnu. Staðsetning hans er ekki langt frá Louvre-safninu á götunni 9 rue du Nil, sama stað og Altro Frenchie. Á Frenchie Caviste, sem er einnig í sömu götu má fara í frábæra vínsmökkun með mat eða ekki.

Frenchie.

Le Train Bleu er einn fallegasti veitingastaðurinn í París. Þar er ekta franskur matur og gott andrúmsloft. Hann er staðsettur á 6 Place Louis Armand.