Góðvinkonurnar Nína Dögg Filippusdóttir, Selma Björnsdóttir og Björk Eiðsdóttir hafa notið sín í hitanum á Grikklandi að undanförnu. Stöllurnar eiga það sameiginlegt að fagna því á þessu ári að verða hálfrar aldar gamlar. Nína Dögg varð fimmtug í febrúar, Selma í júní og Björk verður fimmtug á föstudaginn kemur. Föstudaginn 13. september. 

Þær kvöddu kuldann og leiðindaveðrið sem hefur herjað á íbúa höfuðborgarsvæðisins undanfarna daga til að njóta veðurblíðunnar í einu sögufrægasta landi í heimi. 

Nína Dögg birti myndaseríu á Instagram-reikningi sínum á dögunum og gaf skemmtilega innsýn í ferðalag vinkvennanna.

„Grikkland,“ skrifaði leikkonan við færsluna. 

Spennandi vetur er fram undan hjá Nínu Dögg en hún mun meðal annars fara með aðalhlutverk í jólasýningu Þjóðleikhússins, Yerma, sem verður frumsýnd á annan í jólum. Leikstjóri sýningarinnar er eiginmaður Nínu Daggar, Gísli Örn Garðarsson. 

Leikkonan, söngkonan og leikstjórinn Selma er á fullu í sínum verkefnum en í afmælisgrein í Morgunblaðinu kom fram að hún væri í mörgum vinnum en hún er líka athafnastjóri hjá Siðmennt. Björk er upplýsingafulltrúi Björgólfs Thors Björgólfssonar en þessar þrjár eðalkonur eru búnar að fylgjast að síðan þær voru litlar. 

Frétt af mbl.is

Selma 50 ára: „Elska þig drottningin mín“

Af myndunum að dæma kunna þessar drottningar að gera sér dagamun og ekki síst þegar 150 ára afmæli er fagnað! 

Tengdar fréttir

Frægir ferðast

Beyoncé fagnaði 43 ára afmælinu með stæl

• Snorri og Nadine á leið í brúðkaupsferð
• 57 ára og neitar að fela gráu hárin
• Fögnuðu ástinni í bandarísku sveitabrúðkaupi
• Madonna á Ítalíu með nýjum ungum elskhuga

» Fleiri tengdar fréttir

Instagram

Mætti í hinum fullkomna hefndarkjól

• Instagram: „Tölum um stýrivexti og skatta“
• Eins og ástfangnir unglingar eftir 36 ára hjónaband
• „Við 18 mánaða aldur er yfirleitt best að hætta öllum næturgjöfum“
• Dæmdur glæpamaður meðal þátttakenda í hæfileikakeppni

» Fleiri tengdar fréttir

• Blogga um frétt