Íslenska flugfélagið Icelandair mun hefja flug til Gautaborgar í Svíþjóð frá og með næsta sumri. Flogið verður tvisvar í viku, á fimmtudögum og sunnudögum frá 19. júní til 31. ágúst. Gautaborg er önnur stærsta borg Svíþjóðar og er landsmönnum kunn en þrjú stór íþróttamót barna og unglinga eru haldin í Gautaborg árlega.  

„Það er mjög ánægjulegt að bjóða aftur upp á flug til Gautaborgar yfir sumartímann. Við höfum fundið fyrir mikilli eftirspurn eftir flugi til borgarinnar á meðal ferðaskipuleggjenda og viðskiptavina okkar, en þúsundir íslenskra íþróttaiðkenda heimsækja borgina ár hvert og oft fylgja heilu fjölskyldurnar sínu fólki. Við höfum lagt áherslu á að bjóða upp á ferðir þegar landsliðin okkar spila erlendis en það er ánægjulegt að geta líka boðið upp á góðar tengingar í tengslum við íþróttamót yngri kynslóða, enda erum við öll í sama liði,“ Tómas Ingason, framkvæmdastjóri tekju-, þjónustu- og markaðssviðs Icelandair. 

Gautaborg er önnur stærsta borg Svíþjóðar. Ljósmynd/Icelandair

Tengdar fréttir

Beint flug á spennandi staði

Discover Airlines hefur flug milli Keflavíkur og München

• EasyJet kynnir nýja áfangastaði frá Íslandi
• Icelandair flýgur til Istanbúl
• Gerður í þrusuformi á Madeira
• Fyrsta flug Play til Marrakesh kallaði á trommuslátt

» Fleiri tengdar fréttir

• Blogga um frétt