Það getur verið flókið að ákveða fatnað fyrir ferðalagið en það eru aðeins nokkur atriði sem þarf að hafa í huga. Að sjálfsögðu þarf að taka veðráttu áfangastaðarins inn í myndina og huga að þægindum. Það vill enginn sitja nokkra klukkutíma í flugvél í allt of þröngum gallabuxum. Þeir sem kjósa helst þægindin á ferðalögum ættu að sjá hér fyrir neðan að getur líka alveg litið mjög vel út.

Það sem er gott að muna er að hafa auka lag meðferðis eins og prjóna- eða bómullarpeysu. Hana er hægt að skella yfir sig í flugvélinni því þar getur kólnað og binda hana svo um axlir eða mitti þegar hitnar. Þægilegir skór eru lykilatriði og þess vegna eru strigaskór eða aðrir með flötum botni alltaf góð hugmynd.