Þjóðþekktir Íslendingar flykktust til Ítalíu
Setja bókamerki
Tengdar fréttir
Borgarferðir
Ítalía hefur lengi laðað til sín fólk hvaðanæva að úr heiminum. Fjölmargir Íslendingar heimsækja landið á hverju ári og njóta alls þess besta sem þetta söguríka menningarland hefur upp á að bjóða.
Margir þjóðþekktir einstaklingar hafa á síðustu mánuðum ferðast til Ítalíu og deilt fallegum myndum frá ferðalögum sínum á samfélagsmiðlasíðunni Instagram.
Gerður Huld og Jakob Fannar!
Gerður Huld Arinbjarnardóttir, athafnakona og eigandi kynlífstækjaverslunarinnar Blush, trúlofaðist sínum heittelskaða, Jakobi Fannari Hansen, á Ítalíu í sumar. Jakob Fannar fór á skeljarnar og bað Gerðar Huldar um borð í báti er parið sigldi um Garda-vatn, stærsta stöðuvatn Ítalíu.
Parið er greinilega hrifið af landinu en það hélt aftur út til Ítalíu um miðjan september og eyddi yndislegum dögum í Mílanó.
Fanney og Teitur!
Fanney Ingvarsdóttir, markaðsfulltrúi Bioeffect og fyrrverandi fegurðardrottning, og Teitur Reynisson, viðskiptafræðingur í Landsbankanum, gengu í hjónaband við fallega athöfn í Dómkirkjunni í Reykjavík í ágúst.
Örfáum dögum eftir herlegheitin skelltu hjónin sér í brúðkaupsferð til Ítalíu og eyddu sólríkum dögum við Como-vatn.
/frimg/1/51/2/1510206.jpg)
Gummi kíró!
Guðmundur Birkir Pálmason, jafnan kallaður Gummi kíró, naut lífsins til hins ýtrasta á Ítalíu í sumar. Hann heimsótti ítölsku borgirnar Orvieto og Flórens og var án efa best klæddi maðurinn á götum borganna.
Rúrik Gíslason!
Rúrik Gíslason, tónlistarmaður, leikari og fyrrverandi knattspyrnumaður, ferðaðist til eyjunnar Vulcano á Ítalíu í júní og fagnaði ástinni í brúðkaupi vina sinna.
/frimg/1/40/31/1403155.jpg)
Egill og Thelma!
Útvarpsmaðurinn Egill Ploder Ottósson fór í foreldrafrí með sambýliskonu sinni, Thelmu Gunnarsdóttur, til Rómar í sumar. Parið heimsótti söguleg kennileiti borgarinnar og bragðaði að sjálfsögðu á ljúffengu rauðvíni.
/frimg/1/30/75/1307507.jpg)
Júlí Heiðar og Þórdís Björk!
Leikaraparið Júlí Heiðar Halldórsson og Þórdís Björk Þorfinnsdóttir fór ásamt börnum sínum í sannkallaða draumaferð til Ítalíu í júlí og áttu þar góðar stundir.
Svali og fjölskylda!
Athafna- og útvarpsmaðurinn Sigvaldi Kaldalóns, jafnan kallaður Svali, ferðaðist ásamt fjölskyldu sinni til Ítalíu í sumar og kynnti sér borgir og bæi. Hann er hrifinn af heitu löndunum en hann býr að hluta til á spænsku eyjunni Tenerife og hefur gert í nokkur ár.
Björn og Ann!
Bæklunarskurðlæknirinn Björn Zoëga gekk að eiga unnustu sína, Ann Zoëga, í sól og blíðu á eyjunni Monte Isola, sem er staðsett í vatninu Isola á Norður-Ítalíu, í byrjun september. Ítalía skartaði sínu fegursta þegar parið var pússað saman að viðstöddum nánustu ættingjum og vinum.
/frimg/1/51/45/1514583.jpg)
Berglind Guðmundsdóttir!
Berglind Guðmundsdóttir, matgæðingur, markþjálfi og leiðsögumaður, heimsótti Urbino á Ítalíu í september og endurnærði bæði líkama og sál umvafin fallegri náttúru landsins. Hún elskar Ítalíu og hefur farið í ótal heimsóknir þangað. Ein afdrifaríkasta ferðin var þegar hún giftist sjálfri sér í einni slíkri ferð.
Vilhjálmur H. Vilhjálmsson!
/frimg/1/50/71/1507169.jpg)
Stjörnulögmaðurinn Vilhjálmur H. Vilhjálmsson eyddi dásemdardögum á Ítalíu fyrr á árinu. Hann ferðaðist meðal annars á mótorhjóli frá bænum DaPolignano a Mare til Santa Maria de Leuca og heimsótti einnig knattspyrnumanninn Albert Guðmundsson sem spilar með Genoa á Ítalíu. Vilhjálmur á íbúð í Napólí og reynir að verja eins miklum tíma í borginni og hann getur og er því á stöðugu flakki á milli Ítalíu og Íslands.
Tengdar fréttir
Borgarferðir
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Úlfar: Heppileg tímasetning á gosinu
Mæðgur dæmdar til að greiða 64 milljónir
Hraunið náð Njarðvíkuræð: Fylgjast með raflínu
Mjög alvarlegt ef Njarðvíkuræð gefur sig
Átti ekki að láta pirring bitna á sjúklingi
