Á dögunum var farþegum í fyrsta flugi Icelandair til Lissabon í Portúgal boðið upp á léttar veitingar um borð. Fluginu var einnig fagnað á Keflavíkurflugvelli og við komuna til Lissabon.

Í tilkynningu frá félaginu segir að Lissabon hafi bæst við öflugt leiðarkerfi Icelandair sem nær nú yfir um 60 áfangastaði í Evrópu og Norður-Ameríku.

Stefnt er á að flogið verði til Lissabon tvisvar í viku, á mánudögum og föstudögum.

„Borgin hefur upp á margt að bjóða og hefur þann einstaka kost að vera hvort tveggja sögufræg menningarborg og í nálægð við sólarströnd,“ segir Tómas Ingason, framkvæmdastjóri tekju-, þjónustu- og markaðssviðs Icelandair.

Í Lissabon er hægt að skoða falleg hverfi, arkitektúr og upplifa æðislega matarmenningu Portúgala auk þess að nokkrir staðir í borginni eru á heimsminjaskrá UNESCO.

Hér má sjá nokkrar myndir frá deginum:

Starfsmenn Icelandair buðu upp á léttar veitingar. Ljósmynd/Icelandair

Farþegar voru að vonum spenntir að fljúga til Lissabon. Ljósmynd/Icelandair

Það var hátíðlegt um að litast í flughöfninni. Ljósmynd/Icelandair

Flugfreyjur tilbúnar að bjóða upp á portúgalskar kökur. Ljósmynd/Icelandair

Tómas Ingason, framkvæmdastjóri tekju-, þjónustu- og markaðssviðs Icelandair, ásamt áhöfn fyrsta flugsins. Ljósmynd/Icelandair

Gleðin skein úr hverju andliti. Ljósmynd/Icelandair

Tengdar fréttir

Beint flug á spennandi staði

Icelandair flýgur til Istanbúl

• Gerður í þrusuformi á Madeira
• Fyrsta flug Play til Marrakesh kallaði á trommuslátt
• Icelandair og TAP í samstarf
• Play flýgur til Antalya í Tyrklandi

» Fleiri tengdar fréttir

• Blogga um frétt