Vissirðu þetta um Mexíkó?
Setja bókamerki
Mexíkó er einn vinsælasti ferðamannastaður í heiminum vegna menningar, sögu og matar. Flestir sem heimsækja landið láta fara vel um sig á áfangastað með öllu inniföldu. Nokkuð er um staðreyndir sem eflaust ekki margir hafa heyrt um sem taldar eru upp á vefsíðu The Planet D.
Hér eru ellefu þeirra.
1. Mexíkó heitir ekki Mexíkó
Nafn landsins er í raun ekki Mexíkó heldur United Mexican States, því landinu er skipt í fylki líkt og Bandaríkin. Fylkin eru alls 31 og hefur hvert og eitt þeirra sín lög og sínar reglur.
2. Heimsminjaskrá UNESCO
Alls 34 staðir í Mexíkó eru á heimsminjaskrá UNESCO. Þá er mexíkanskur matur viðurkenndur sem óefnislegur heimsmenningararfur UNESCO, sem leggur áherslu á menningarlegt mikilvægi hans.
3. Minnsta eldfjallið
Mexíkó er heimili minnsta eldfjalls heimsins. Rétt fyrir utan Puebla er að finna minnsta eldfjall í heimi, Cuexocomate-eldfjallið. Það er einungis 13 metrar á hæð.
4. Stærsti pýramídinn
Mexíkó hefur minnsta eldfjallið en stærstu pýramídana. Stærsti pýramídinn (the Great Pyramid of Cholula) eða minnisvarði í heimi var reistur í Mexíkó.
5. Bandarískir innflytjendur
Stærsti innflytjendahópurinn kemur frá Bandaríkjunum. Stærstur hluti íbúa af erlendum uppruna í Mexíkó kemur frá Bandaríkjunum. Í raun eru fleiri Bandaríkjamenn sem flytja til Mexíkó en öfugt.
6. Mexíkóborg er að sökkva
Á hverju ári sekkur höfuðborg Mexíkó um 17 sentímetra, en borgin er byggð yfir rústum borgarinnar á stöðuvatninu, Tenochtitlán.
7. Fimmti maí ekki hátíðlegur
Cinco de Mayo er ekki haldinn hátíðlegur í Mexíkó. Dagurinn hefur löngum verið talinn lýðveldisafmæli landsins en sá dagur er í raun 16. september. Þann dag fagna Mexíkóbúar sjálfstæði landsins. Þann 5. maí ár hvert (Cinco de Mayo) er minnst orrustunnar við Puebla sem átti sér stað árið 1862 en íbúar Puebla halda þennan dag hátíðlegan.
8. Litasjónvarpið
Mexíkóskur uppfinningamaður átti þátt í litasjónvarpinu. Guillermo González Camarena fæddist 17. febrúar 1917 í Guadalajara í Mexíkó. Árið 1934 sótti hann fyrst um einkaleyfi fyrir sjónvarpinu. Stærsta afrek hans varð svo árið 1940 þegar hann þróaði kerfi fyrir litasjónvarp og fékk einkaleyfi fyrir því í Mexíkó og Bandaríkjunum.
9. Elsti háskólinn í Norður-Ameríku
Eflaust kemur Harvard-háskóli efst upp í hugann þegar hugsað er um elstu háskólana í Norður-Ameríku. Hins vegar er elsti háskólinn National Autonomous University of Mexico (UNAM), sem staðsettur er í Mexíkóborg. Háskólinn var stofnaður árið 1551, 85 árum áður en Harvard varð til.
10. Skrýtin matarmenning
Margur matgæðingurinn ferðast til Mexíkó fyrir ekta mexíkóska matargerð. Þeir allra hugrökkustu geta rölt um matarmarkaði og gætt sér á engisprettum, sporðdrekum og köngulóm. En pöddurnar eru víst próteinríkar og voru fitulaus skordýr það sem kom Aztekum í gegnum daginn.
11. Mexíkanski fáninn
Fáninn er eitt af þjóðartáknum Mexíkó. Litir fánans frá vinstri til hægri eru grænn, hvítur og rauður. Fáninn var fyrst tekinn upp 24. febrúar 1821. Á miðjum fánanum er skjaldarmerki landsins, örn sem situr á kaktus með snák í gogginum. Merkið er táknrænt fyrir goðsögnina um hvernig Tenochtitlán, höfuðborg Azteka, varð til (sem er í dag Mexíkóborg).
Dagur og Þórður skella sér í landsmálin
Á fjórða tug barna með E.coli
Jón Pétur í þriðja sæti hjá Sjálfstæðisflokki
Leggur til breytingar á öðru en gagnsæi
Bjarni til liðs við Græningja
Stuðningur við foreldra nauðsynlegur
Langalangamman kveikti áhugann
Ný könnun: Sjálfstæðisflokkur dalar og VG botnfrosið
