Faldir gimsteinar á Spáni
Setja bókamerki
Spánn er einn helsti áfangastaður Evrópu en þar hafa innlendir mótmælt stöðugum ferðamannastraumi á stöðum eins og í Barcelona og á Málaga.
Ferðasérfræðingar Dailymail gefa ráðleggingar um falda gimsteina Spánar og þar með talda staði sem Spánverjar sækja í fríum sínum.
Avila - Castile og Leon héraðið
Avila er borg staðsett á miðju Spáni og staður sem er ómissandi fyrir söguáhugamenn. Miðaldaborgin er umkringd nokkrum best varðveittu borgarmúrum Spánar, allt aftur til 11. aldar. Í borginni má finna fallegar rómanskar kirkjur og gæða sér á staðbundinni matargerð. Borgin er staðsett uppi á hæð með fallegt útsýni yfir víðátturnar í kring.
Chiclana de la Frontera - Andalúsía
Þessi bær í Andalúsíu er tilvalinn fyrir ferðalanga sem sækja í afslappað andrúmsloft. Ströndin La Barossa er þekkt fyrir að vera kyrrlát með óspilltum og hreinum, hvítum sandi. Algjör griðastaður fyrir sólarunnendur.
A Coruna - Galicía
A Coruna er hafnarborg á Norður-Spáni. Gamli bærinn er þekktur fyrir miðaldabyggingar og hlykkjóttar götur, en aftur nýrri hlutinn er kallaður „glerborgin“ vegna bygginga sem margar hverjar státa af háum glersvölum hannaðar til varnar sjávarvindum.
Huelva, Andalúsía
Borgin er kjörin fyrir þá sem sækjast í ró og næði. Hún er staðsett í nálægð við falleg náttúruverndarsvæði og Atlantshafsströndina sem ferðalangar fara svo oft á mis við. Á Mercado del Carmen er hægt að gæða sér á fersku sjávarfangi og einnig er mælt með að ná sólsetrinu við ána Muelle del Tinto.
Cullera, Valencía
Í Cullera er hægt að skoða gamla bæinn þar sem er að finna hinn fallega 10. aldar Cullera-kastala. Þá er San Antonio-ströndin þekkt fyrir framúrskarandi gæði og tilvalin fyrir sólböð, sund og vatnaíþróttir.
Fimm börn á gjörgæslu
Íhuga lengra skólaár og hærra hlutfall kennslu
Listar sósíalista tilbúnir í öllum kjördæmum
Höfuðpaurinn tekur á sig ólöglegan innflutning
Kröfur kennara „mikil vonbrigði“
Faðir Dags gagnrýnir Kristrúnu
„Vatnið kom bara eins og veggur“
