Aðdáendur Drescher munu flykkjast til Ástralíu
Setja bókamerki
/frimg/1/53/6/1530653.jpg)
Safnsýning um bandaríska gamanþáttinn The Nanny mun opna í áströlsku borginni Melbourne í byrjun næsta árs. Gervi og leikbúningar Fran Drescher, sem fór eftirminnilega með hlutverk hinnar sérkennilegu Fran Fine í hinni sívinsælu sjónvarpsþáttaröð, verða í aðalhlutverki.
The Nanny, Barnfóstran í íslenskri þýðingu, var frumsýnd þann 3. nóvember árið 1993 og vakti strax mikla athygli. Alls urðu þættirnir 145 og voru sýndir á sex ára tímabili.
Drescher, í hlutverki Fine, stimplaði sig hratt og örugglega inn í hug og hjörtu milljóna aðdáenda um heim allan með hispurslausri framkomu sinni, húmor, skærri röddu og eftirtektarverðum fatastíl, sem fjölmargir hafa apað eftir síðustu 30 ár.
/frimg/1/38/54/1385449.jpg)
Sýningin mun bregða upp skemmtilegri mynd af karakter Drescher og sýna hátt í 100 búninga sem leikkonan klæddist við gerð þáttaraðarinnar í gegnum árin. Á sýningunni verða flíkur frá nokkrum af þekktustu fatahönnuðum í heimi og má þar nefna Vivienne Westwood, Moschino, Dolce & Gabbana, Versace og Christian Dior.
Sýnishorn af sýningunni opnaði í Frakklandi árið 2022 og vakti mikla lukku, en ríflega 23.000 manns heimsóttu safnið yfir opnunarhelgina og er því greinilegt að áhugi fólks á sjónvarpsþáttaröðinni er mikill.
Drescher, sem er núna 67 ára, hefur að mestu lagt leiklistina á hilluna og tekið sér nýtt hlutverk, en frá árinu 2021 hefur hún sinnt stöðu formanns Stéttarfélags sjónvarps- og kvikmyndaleikara, The Screen Actors Guild.
Funda með þingflokkum
Bjarni: „Útilokað að þetta geti gengið upp“
Forstjóri bendir á ábyrgð birgja vegna verðhækkana
Var engin kristnitaka árið 1000?
/frimg/1/53/76/1537675.jpg)
„Tímabil aukinnar eldvirkni“
„Þetta er ríkisstjórn almannahagsmuna“
Ný ríkisstjórn kynnt á morgun
