Ferðalög prófsteinn á sambönd

Ferðalög geta bæði styrkt og skaðað sambönd en í 73% tilfella þá eru ferðalög hinn raunverulegi prófsteinn á sambönd segja rannsóknir.

Könnun Talker Research sem tók til tvö þúsund manns rannsakaði hvaða áhrif ferðalög hefðu á sambönd. Í ljós kom til dæmis að í 61 prósent tilfella varð ferðalagið til þess að kveikja aftur á ástríðunum. 40% þátttakanda sögðust finna til meiri nálægðar eftir ferðalög en 25% uppgötvuðu rómantískari hlið makans á meðan á ferðalaginu stóð. 

Þá sýndu niðurstöður að best væri að byrja að ferðast saman þegar fólk er búið að vera í sambandi í fjóra og hálfan mánuð. 

Áður en það fer saman í ferðalag ætti það að huga að þessum þáttum til að sjá hvort þau eigi yfirleitt samleið:

• Fjármál
• Hreinlæti
• Matarsmekkur

Þá er einnig mikilvægt að huga að ýmsum smáatriðum ferðalagsins áður en af stað er haldið.

63% sögðu það mikilvægt að fólk væri samstíga í undirbúningi ferðalags.

27% sögðu það mikilvægt að vera sammála um gistingu og hversu mikla orku það hefur í skoðunarferðir.

Þá skipta máli ýmsar venjur fólks eins og hvenær það vill vakna á morgnana, hvernig baðherbergisvenjum er háttað. Þá leggja margir mikla áherslu á matarupplifun á ferðalaginu og getur matur haft áhrif á val áfangastaðar.

Helstu atriði sem skipta máli:

• Eyðsluvenjur
• Hreinlætisvenjur
• Matarsmekkur
• Skipulagning
• Val á herbergjum
• Val á skoðunarferðum eða öðrum viðburðum
• Hvenær fólk vill vakna
• Baðherbergisvenjur, hurð opin eða lokuð.
• Háttatími
• Menningarlegir viðburðir, söfn eða annað.
• Samfélagsmiðlanotkun
• Að borða uppi í rúmi

• Blogga um frétt