Komu farþegum stórkostlega á óvart
Setja bókamerki
Fyrirtæki keppast um það á þessum árstíma að gleðja starfsmenn og viðskiptavini fyrir jólin. Flugfélagið PLAY kom farþegum sínum á óvart með óvæntu jólaflugi, gjöfum og tónlist. Þetta var í flugi frá Kaupmannahöfn til Keflavíkur og meirihluti farþeganna um borð voru íslenskir. Margir eflaust námsmenn eða búsettir í dönsku stórborginni og á leið heim yfir jólin.
Jólasveinn mætti óvænt í flugið sem kom börnunum í mikinn jólagír. Gestum var boðið upp á Malt og appelsín, piparkökur og konfekt í fluginu. Einnig var hljómsveit um borð sem spilaði jólatónlist fyrir farþega í háloftunum.
„Rúsínan í pylsuendanum var þegar komið var til Keflavíkur og þá voru það ekki töskur sem renndu sér niður töskubandið heldur jólagjafir sérmerktar hverjum og einum farþega,“ segir Nadine Guðrún Yaghi, forstöðumaður markaðs- og samskiptadeildar PLAY.
Ekki tekið afstöðu um sök
Sekt fyrir að setja ekki leikföng í minkabúr
Fleiri glæpamenn gætu sloppið við afplánun
Segir formanninn þurfa að íhuga stöðu sína
Áfram í haldi grunaður um hrottalegt ofbeldi
Matseðlar bara á ensku á mörgum veitingastöðum
Undirbúningur leikskóla Alvotech í fullum gangi
