Flest­ir snyrti­fræðing­ar eru sam­mála um að flug fer ekki vel í húðina. „Flug­ferðir geta verið furðu skaðleg­ar fyr­ir húð og lík­ama vegna þurrs, end­urunn­ins lofts í farþega­rými og lágs raka, sem get­ur valdið rakatapi,“ seg­ir Vanessa Marc, snyrti­fræðing­ur og stofn­andi Vanessa Marc Spa.

Aðrir snyrti­fræðing­ar vilja meina að breyt­ing­ar á þrýst­ingi í farþega­rými geti leitt til vökv­asöfn­un­ar og lé­legr­ar blóðrás­ar, sem aft­ur valdi þrota eft­ir flug og lækk­un raka­stigs húðar sem geri hana flagn­andi og daufa.

„Farþega­rýmið er í grund­vall­ar­atriðum eyðimörk í mik­illi hæð.“

Mælt er með að fara í and­litsmeðferð fyr­ir flug með nokk­urra daga fyr­ir­vara. eng­in akyurt/​Unsplash

And­litsmeðferð nokkr­um dög­um áður

And­litsmeðferð fyr­ir flug get­ur verið leyni­vopnið í þess­um aðstæðum. Marc seg­ir það full­kom­lega óhætt að fá and­litsmeðferð fyr­ir flug en hins veg­ar ráðlegg­ur hún að það sé gert með nokk­urra daga fyr­ir­vara. Þá mæl­ir hún einnig gegn of aggress­í­v­um meðferðum. 

„Forðist mik­inn and­lits­skrúbb, efna­lausn­ir ætluðum að gera yf­ir­borð húðar betri og djúp­hreins­un þar sem húðin er kreist. Þess­ar meðferðir hafa áhrif á varn­ar­lag húðar og út­setja hana fyr­ir þurru bakt­eríu­fylltu lofti farþega­rým­is­ins.“

Sam­kvæmt Marc á í staðinn að setja rakameðferðir í for­gang og styðja varn­ir húðar­inn­ar með nær­andi efn­um eins og hý­al­úronsýru, kera­míðum og andoxun­ar­efn­um. „Raka­gef­andi and­litsmeðferð hjálp­ar til við að end­ur­nýja húðina og bæta við nauðsyn­leg­um raka.“

Þá er einnig mælt með að bæta við rauðljósameðferð til að minnka þrota eft­ir flug.

Gott er að byrja að borða vatns­mik­inn mat nokkr­um dög­um fyr­ir flug, t.d. vatns­mel­ón­ur, ag­úrk­ur og lauf­grænt græn­meti. Markus Winkler/​Unsplash

Mat­ur og vatn

Á Tra­vel & Leisure er einnig mælt með öðrum leiðum til að und­ir­búa húðina fyr­ir ferðalög, t.d. að byrja á að inn­byrða vatns­ríkt fæði nokkr­um dög­um fyr­ir flug; ag­úrk­ur, vatns­mel­ónu, lauf­grænt græn­meti og sell­e­rí. Holl fita í avóka­dói og hnet­um hjálp­ar til við að styrkja varn­ar­lag húðar­inn­ar og þá er einnig mælt með kó­kos­vatni og ban­ön­um fyr­ir gott jafn­vægi húðar.

Jafn­vel við lend­ingu er hægt að taka nokk­ur skref til að betr­um­bæta jafn­vægi húðar­inn­ar. Þá er mælt með að byrja á að þrífa húðina vel með mild­um hreinsi­efn­um til að fjar­lægja bakt­erí­ur og óhrein­indi flug­far­rým­is­ins, drekka vatn og bera á sig kera­míðríkt krem.

Einnig er gott að skvetta köldu vatni í and­litið eða nota kæl­andi maska. Ef þroti læt­ur á sér kræla er um að gera að nota ís­mola eða jafn­vel kalda skeið til að slá á hann.

Tra­vel & Leisure

Tengd­ar frétt­ir

Ferðaráð

Alls 71% ferðalanga sem ferðast ein­ir eru kon­ur

• Hýdra á Grikklandi: Para­dís Leon­ards Cohens
• Tryllt hjóla­leið í Jap­an
• Róm­an­tísk skila­boð frá flug­manni
• Nekt skal vera nekt á nekt­ar­strönd í Rostock

» Fleiri tengd­ar frétt­ir

• Blogga um frétt