Þessar öflugu og örlátu átta ára stúlkur, Emilía Rós Ingimarsdóttir og Júlía Sigríður Grzegorzsdóttir, sem búa á Reyðarfirði, söfnuðu nýlega dósum í sínum heimabæ og ákváðu að gefa SOS barnaþorpunum andvirðið  af sölu dósanna, alls 12.756 krónur. Samkvæmt Hans Steinari Bjarnasyni, upplýsingafulltrúa SOS barnaþorpanna, verður upphæðinni varið í fjölskyldueflingarverkefni sem hófst í Eþíópíu í janúar sl.

Það þarf að safna dágóðum fjölda af dósum til að safna tæplega 13.000 til fátækra! mbl.is/einkasafn

Peningarnir koma að góðum notum fyrir skjólstæðinga fjölskyldueflingarinnar í þorpinu Tulu Moye. Þar búa m.a. systkinin Mena sem er 18 ára og eldri bróðir hennar Tee ásamt tveimur ungum systskinum sínum og eins árs gömlu barni Menu. Móðir þeirra er látin og faðir þeirra yfirgaf þau.

Með hjálp góðhjartaðs fólks eins og Emilíu og Júlíu geta skjólstæðingar fjölskyldueflingar SOS barnaþorpanna, umkomulaus börn, fengið mat á hverjum degi og aðstoð til að búa sig undir framtíðina.

Tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hjörtun okkar stækkuðu um fimm stærðir“
• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?

» Fleiri tengdar fréttir

• Blogga um frétt