Grínleikarinn Eddie Murphy á fleiri börn en flesta dreymir um en tíunda barn hins 57 ára gamla leikara kom í heiminn í síðustu viku. Móðir nýfædda drengsins er unnusta Murphy, fyrirsætan og leikkonan Paige Butcher.
Butcher sem er 39 ára hefur verið með grínistanum síðan árið 2012 og eiga þau saman hina tveggja ára gömlu Izzy Oona Murphy. E! greinir frá því að drengurinn hafi fengið nafnið Max Charles Murphy.
Hin átta börnin á Murphy með fjórum konum. Hann eignaðist fimm börn með fyrrverandi eiginkonu sinni, Nicole Mitchell Murphy, en þau skildu árið 2006. Hann á aðeins eitt barn með hinum barnsmæðrum sínum ef Butcher er ekki talin með.
Murphy á meðal annars barn með fyrrverandi kryddpíunni Mel B en vildi ekki viðurkenna faðernið fyrr en eftir DNA-próf.