Leikfélag Akureyrar mun frumsýna barna- og fjölskyldusöngleik byggðan á bókinni Gallsteinar afa Gissa í Samkomuhúsinu 23. febrúar næstkomandi. Leikstjóri sýningarinnar er Ágústa Skúladóttir en leikgerð unnu Kristín Helga Gunnarsdóttir og Karl Ágúst Úlfsson. Tónlistarstjóri er Þorvaldur Bjarni Þorvaldsson.

Bókin Gallsteinar afa Gissa er nú í endurprentun. Sagan er yfirnáttúruleg fjölskyldusaga eftir Kristínu Helgu Gunnarsdóttur sem hefur slegið í gegn með Fíusól, Móa hrekkjusvíni og fleiri litríkum persónum. Hún hefur tvívegis hlotið barnabókaverðlaun Reykjavíkur og Fjöruverðlaunin, Bókaverðlaun barnanna fimm sinnum og Sögustein IBBY fyrir feril. Þá var saga hennar Vertu ósýnilegur – Flóttasaga Ishmaels tilnefnd til bæði Íslensku bókmenntaverðlaunanna og Barna- og unglingabókmenntaverðlauna Norðurlandaráðs.

Gallsteinar afa Gissa fjallar um Torfa og Grímu sem eiga virkilega leiðinlega fjölskyldu. Mamma þeirra er skipanaglaður harðstjóri með hollustuæði, pabbinn er viðutan vinnusjúklingur og Úlfur er ömurlegt unglingaskrímsli. Systkinin dreymir um afslappað heimilislíf, gæludýr og gotterí. Getur hinn síglaði sjóari, afi Gissi, látið draumana rætast? Hvað gerist ef Torfi og Gríma eignast óskasteina? Geta óskir verið hættulegar?

Tengdar fréttir

Fjölskyldulíf

„Hjörtun okkar stækkuðu um fimm stærðir“

• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?
• „Ég vissi að þetta væri erfitt en vissi samt ekki neitt“

» Fleiri tengdar fréttir

• Blogga um frétt