Tónlistarkonunni Sölku Sól er greinilega margt til listanna lagt því ekki bara syngur hún eins og engill, hún prjónar einstaklega fallegar flíkur. 

Salka sýndi afrakstur síðustu vikna á Instagram í vikunni, en hún hefur prjónað bæði stuttbuxur og smekkbuxur. Hún segist ekki hafa haft trú á sér í fyrstu að hún gæti prjónað, en eftir nokkur You Tube-kennslumyndbönd hafi þetta tekist. 

Söngkonan er stolt af flíkunum og segir að sennilega muni hún segja öllum í óspurðum fréttum að hún hafi prjónað þetta sjálf. Salka Sól og eiginmaður hennar, rapparinn Arnar Freyr Frostason, eiga von á lítilli stúlku í vetur og verður sú stutta greinilega vel klædd.