James Bond-leikarinn Daniel Craig varð ekki bara fimmtugur í fyrra heldur eignaðist hann einnig sitt annað barn, 24 árum eftir að yngra barn hans kom í heiminn. Craig játaði á dögunum að það tæki á að vera með ungbarn á heimilinu. 

„Ég er úrvinda af þreytu,“ sagði Craig við blaðamenn á frumsýningu nýlega að því er fram kemur á vef Us Weekly. Craig og eiginkona hans, leikkonan Rachel Weisz, eignuðust stúlku í september í fyrra. Hjónin giftu sig árið 2011 en fyrir áttu þau eitt barn hvort. Weisz eignaðist son árið 2006 og eins og áður sagði á Craig dóttur á þrítugsaldri.

Frétt af mbl.is

Rachel Weisz 48 ára og ólétt!

Craig var einnig spurður að því hvort að honum þætti líklegt að yngri dóttir hans myndi horfa á myndirnar hans í framtíðinni. „Ég efast um að hún eigi eftir að hafa áhuga,“ sagði Craig. „Ég held ekki.“

Hjónin Daniel Craig og Rachel Weisz fyrir frumsýningu á James Bond árið 2015. AFP

Tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt