Natalie Halcro, raunveruleikaþáttastjarna og vinkona Kardashian-systra, faldi óléttuna sína fram á 7. mánuð.
Halcro deildi fréttunum með fylgjendum sínum á Instagram á fimmtudag, en rúmar 3,7 milljónir fylgjast með henni þar. Halcro heldur úti raunveruleikaþáttunum Relatively Nat & Liv ásamt frænku sinni Oliviu Pierson.
Halcro er gengin 29 vikur en óljóst er hver faðirinn er þar sem hún hefur ekki verið í opinberu sambandi á síðustu mánuðum. Hún hefur birt fjölda mynda á Instagram á síðustu vikum og mánuðum þar sem ekki hefur sést að hún sé með barni.
Hún er mikil vinkona þeirra Kim og Khloé Kardashian sem báðar skrifuðu athugasemdir á Instagram-færsluna hennar þar sem þær óskuðu henni til hamingju og sögðust hlakka til að hitta ófætt barn hennar.