Biðu lengi eftir barni en njóta fjölskyldulífsins

Leikkonan Cameron Diaz eignaðist sitt fyrsta barn um áramótin með eiginmanni sínum, rokkaranum Benji Madden. Fyrstu mánuðir sem foreldrar hafa verið óvenjulegir en þrátt fyrir það njóta foreldrarnir lífsins. 

Heimildarmaður People segir að hjónin hafi notið ársins 2020 í botn sem fjölskylda þrátt fyrir erfiðar aðstæður. „Þau eru fullkomið teymi og elska að vera foreldrar,“ bætti heimildarmaðurinn við. 

Litla fjölskyldan hefur verið mikið heima við og varið tíma með tvíburabróður Madden, Joel Madden, og eiginkonu hans, Nicole Ritchie. 

„Í mörg ár vildi Cameron verða mamma,“ sagði heimildamaðurinn um hina 47 ára gömlu leikkonu. „Hún elskar það meira en hún hefði getað ímyndað sér.“

Í janúar greindu hjónin sem giftu sig árið 2015 fá því að þau hefðu eignast dóttur. Dóttirin fékk nafnið Raddix Madden. Þau greindu ekki frá því hvort Diaz hefði gengið sjálf með barnið, hvort þau hefðu fengið hjálp frá staðgöngumóður eða hvort dóttirin væri ættleidd. Talið er ólíklegt að Diaz hafi gengið sjálf með dóttur sína.