Hjónin Alexandra Helga Ívarsdóttir náttúrukokkur og Gylfi Þór Sigurðsson knattspyrnumaður eignuðust dótturina Melrós Míu í byrjun maí. Nafn stúlkunnar hefur vakið mikla athygli enda sjaldgæft. Þau eru nú búin að útbúa hringa með nafni dóttur sinnar.
Alexandra birti mynd á instagramsíðu sinni af hægri hendi sem hélt utan um litla dúllulega fætur ungbarns. „Melrós Mía“ stendur á gullhring annars vegar og silfurhring hins vegar. Auk þess voru smærri silfurhringar á fingrinum.
Dóttir þeirra Alexöndru og Gylfa fékk nafnið Melrós Mía en eins og barnavefur mbl.is greindi frá í maí er hún sú eina sem ber nafnið Melrós Mía. Aðeins bera fjórar aðrar konur á Íslandi nafnið Melrós sem fyrra eiginnafn samkvæmt upplýsingum Hagstofu Íslands frá 1. janúar árið 2019. Þá bera tvær aðrar nafnið sem seinna eiginnafn.