Sjónvarpsstjarnan, Íslandsvinurinn og fatahönnuðurinn Tan France segir að mánaðargamall sonur hans hafi átt erfitt með að festa svefn á fyrstu vikunum. Barnavörur sem hann keypti hafi þó gert kraftaverk og í dag sefur pjakkurinn eins og pönduhúnn.
France tjáir sig um fyrstu vikurnar með syninum í story á Instagram og vonar hann að þeirra reynsla muni hjálpa öðrum foreldrum að takast á við svefnvenjur ungbarna sinna. „Nú eru liðnar nokkrar vikur frá því að við komum með litla strákinn okkar Ismail heim og líkt og þið hafið séð hér í story þá gekk erfiðlega fyrstu næturnar,“ segir France.
Íslandsvinurinn sagði svo frá nokkrum barnavörum sem hann telur að hafi hjálpað syninum að ná áttum á nýju heimili. Má þar nefna vöggu sem þeir keyptu fyrir 200 þúsund, volgan skeinipappír, öryggismyndavélar, barnahvíslaratæki og lúxushreiður sem Tan France segir að litli Ismail elski.