Cooper Hefner, yngsti sonur Hughs Hefners, og eiginkona hans, Scarlett Byrne Hefner, eiga von á tvíburum í mars á næsta ári. Hjónin tilkynntu um gleðina á Instagram í gær. Fyrir eiga þau dótturina Betsy Rose sem er 15 mánaða. 

Hefner hefur unnið í viðskiptaheiminum undanfarin ár en söðlaði um á síðasta ári og færði sig yfir í stjórnmálin. Stefnir hann að framboði til öldungadeildar Kaliforníuþings á næsta ári. 

Byrne er leikkona og fór með hlutverk Pansy Parkinson í kvikmyndunum um galdrastrákinn Harry Potter. 

Hefner og Byrne trúlofuðu sig árið 2015 og gengu í hjónaband í nóvember árið 2019. 

Tengdar fréttir

Meðganga og fæðing

Mandy Moore fæddi stúlkubarn

• Fanney Dóra og Aron eignuðust son
• Móðir í annað sinn örfáum mánuðum eftir legnám
• Jóhanna Helga og Geir eignuðust dreng
• Katla fæddi þriðja soninn á mettíma

» Fleiri tengdar fréttir

• Blogga um frétt