Söng- og leikkonan Mandy Moore og eiginmaður hennar, Taylor Goldsmith, eiga von á sínu öðru barni. Parið greindi frá gleðifréttunum á Instagram fyrr í dag.
Ekki er langt um liðið síðan hjónin eignuðust soninn Gus, sem kom í heiminn fyrir 16 mánuðum síðan.
Moore og Goldsmith fóru fyrst að stinga saman nefjum árið 2017 en gengu síðan í það heilaga í nóvember 2018. Moore var áður gift tónlistarmanninum Ryan Adams en þau skildu árið 2016.
„Einum merkis kafla í lífinu líkur og nýr kafli tekur við. Kaflinn tveggja barna móðir er að hefjast. Við erum spennt og virkilega þakklát,“ sagði Moore þegar hún tilkynnti um væntanlega viðbót fjölskyldunnar.