Margrét Lára Viðarsdóttir, knattspyrnustjarna og sálfræðingur, og Einar Örn Guðmundsson sjúkraþjálfari eignuðust dóttur á dögunum. Stúlkan er fjórða barn hjónanna sem eiga fyrir þrjá drengi.
„26.08.23 mætti stjarnan okkar skærasta,“ skrifar Margrét Lára á Instagram. „Við erum ótrúlega hamingjusöm með þessa mjög svo velkomnu viðbót í okkar geggjaða lið. Þakklæti er okkur efst í huga fyrir barnalánið okkar, við erum svo sannarlega rík. Keppnin um hver er besti stóri bróðirinn er formlega hafin og tekin alla leið, þannig að lillan okkar verður í góðum höndum alla tíð.“
Fjölskylduvefur mbl.is óskar fjölskyldunni til hamingju!