Raunveruleikastjarnan Kourtney Kardashian er farin heim af spítalanum eftir að hafa tekið á móti syninum Rocky með eiginmanni sínum Travis Barker.
Sonur Kardashian og Barker kom í heiminn síðastliðna helgi, en drengurinn er fyrsta barn þeirra hjóna saman.
Fyrir á Kardashian þrjú börn með fyrrverandi kærasta sínum Scott Disick, þau Reign, Mason og Penelope, Þá á Barker soninn Landon, dótturina Alabama og stjúpdótturina Atiana De La Hoya með fyrrverandi eiginkonu sinni Shönnu Moakler.
Myndir náðust af Kourtney yfirgefa spítalann í Los Angeles, en hún sat í farþegasæti svartrar lúxusbifreiðar sem Barker keyrði.