Robert De Niro barðist við tárin í nýlegu viðtali þegar hann ræddi um yngstu dóttur sína, hina níu mánaða gömlu Giu. Hann eignaðist sjöunda barn sitt í byrjun maí á síðasta ári ásamt kærustu sinni, Tiffany Chen. Stórleikarinn, sem fer með hlutverk í Óskarstilnefndu kvikmyndinni Killers of the Flower Moon, varð fyrst faðir árið 1971. 

Frétt af mbl.is

Eignast sjöunda barnið 79 ára

De Niro ræddi við blaðamann AARP (e. The American Association of Retired Persons) um föðurhlutverkið á níræðisaldri. „Það er einfaldlega dásamlegt,“ sagði leikarinn þegar hann var spurður um hvernig það væri að eiga lítið barn. 

„Allt sem ég hef áhyggjur af hverfur á augabragði um leið og ég sé hana,“ sagði De Niro þegar hann ræddi um kornunga dóttur sína og Chen.

Leikarinn viðurkenndi að hann vissi ómögulega hvað framtíðin bæri í skauti sér þar sem hann er þegar orðinn þetta fullorðinn, en De Niro sagðist kjósa að einbeita sér að því að vera í núinu. „Þegar hún verður eldri, hver veit? En þetta dásamlega augnaráð,“ sagði leikarinn þegar augu hans fylltust af tárum. 

Frétt af mbl.is

Áttræður De Niro í göngutúr með krílið

Frétt af mbl.is

Of gamall til að sinna kornabarni

Tengdar fréttir

Frægar fjölskyldur

Eva Dögg ófrísk að fjórða barninu

• Sævar Breki og Guðrún eiga von á tvíburum
• Opnar sig um óvenjulegar svefnvenjur yngsta sonarins
• Líffræðileg móðir Biles biður um fyrirgefningu
• Allt breyttist eftir að dóttirin kom í heiminn

» Fleiri tengdar fréttir

• Blogga um frétt