Elsta barn Kanye West og Kim Kardashian, North West, fór með hlutverk unga Simba á sérstakri tónleikasýningu Lion King sem haldin var í Hollywood Bowl á föstudagskvöldið. Sýningin var haldin í tilefni þess að 30 ár eru liðin frá útgáfu teiknimyndarinnar sívinsælu.
Þekktir leikarar, þeir sömu og talsettu teiknimyndakarakterana á sínum tíma, stigu á svið Hollywood Bowl og rifjuðu upp gamla tíma og sungu lögin sem allir elska. Meðal þeirra sem stigu á svið voru Jeremy Irons, Nathan Lane og Ernest Sabella.
Áhorfendur voru 17.500 talsins og urðu þeir fyrir miklum vonbrigðum þegar hin tíu ára gamla West steig á svið til að syngja lagið I Just Can’t Wait To Be King.
Frammistaða West hefur verið gagnrýnd harðlega en netverjar eru margir hverjir sammála um að stúlkan hafi eingöngu fengið hlutverkið út á klíkuskap, en frændhygli og klíkuskapur í Hollywood hefur verið mikið í umræðunni seinustu ár.
Það var breska framleiðslufyrirtækið Fulwell 73 sem framleiddi tónleikasýninguna í samstarfi við Disney-samsteypuna en fyrirtækið hefur einnig framleitt þáttaseríur Kardashian-fjölskyldunnar síðustu ár.
Myndskeið af flutningi West hefur verið deilt víða á samfélagsmiðlum síðustu daga og hafa netverjar ekkert legið á skoðunum sínum. Margir hafa gagnrýnt sviðsframkomu og sönghæfileika stúlkunnar og segja þá ekki upp á marga fiska.
Kardashian birti myndaseríu af dóttur sinni klædd upp eins og Simbi á Instagram-reikningi sínum og voru margir sem hraunuðu yfir frammistöðu stúlkunnar í athugasemdarkerfinu.
North West performs I Just Can’t Wait to Be King at the Lion King: 30th Anniversary Concert at The Hollywood Bowl pic.twitter.com/iLddmgUBJP
— Jarett Wieselman (@JarettSays) May 25, 2024
I’m sorry but casting North West as Simba when there are hundreds of properly trained theatre kids with voice coaches, dance skills, and experience was a HORRIBLE choice. It definitely makes you question the credibility of the casting director. You let Kim pay to ruin your show.
— 🤭 (@_RichieDinero) May 26, 2024