Sigrún Eldjárn, barnabókahöfundur og myndskreytir, er mikil fjölskyldukona og nýtur þess að eyða tíma með fjölskyldu og vinum. Hún á þrjú börn og fjögur ömmubörn sem hún dáir og dýrkar. 

Í tilefni af nýútgefinni bók Sigrúnar, sem ber titilinn Sigrún í safninu, þá fengum við ástsæla barnabókahöfundinn til að deila sín­um bestu ömmuráðum með les­end­um Fjöl­skyld­unn­ar á mbl.is.

„Ömmuráðin mín eru frekar einföld og augljós,“ segir Sigrún. 

1. Mikilvægt er að eiga alltaf eitthvað hollt, gott og fallegt snarl. 
2. Það þarf að eiga nóg af pappír, blýöntum, litum, skærum og lími til að búa til myndir og bækur. 
3. Það á að hlusta á hvað þau hafa að segja, hlæja með þeim og hugga. 
4. Það er mikilvægt að hvetja til dáða og hrósa þeim fyrir það sem vel er gert (sem er næstum því allt). 
5. Síðast en ekki síst að fara á bókasafnið eða í bókabúð og fá lánaðar eða kaupa handa þeim bækur. Til dæmis bókina um Sigrúnu í safninu! 

Sigrún ásamt barnabörnunum. Ljósmynd/Aðsend

Tengdar fréttir

5 uppeldisráð

Vill tengjast börnunum sínum með kossum og knúsi

• Uppeldisráð Arnars Þórs Jónssonar: „Þakka fyrir það sem maður hefur“
• Uppeldisráð Höllu Tómasdóttur: „Meira við og minna ég“
• Fimm uppeldisráð Katrínar Jakobsdóttur
• Uppeldisráð Jóns Gnarr: „Það næst miklu meira fram með hlýju“

» Fleiri tengdar fréttir

• Blogga um frétt