Lafði Kitty Spencer, bróður­dótt­ir Díönu prins­essu, hefur loks upplýst um nafn dóttur sinnar. Spencer hafði haldið meðgöngunni leyndri og tilkynnti í mars um komu barnsins. 

Kitty Spencer er dóttir Charles Spencer og fyrstu eiginkonu hans Victoriu Aitken. Árið 2021 giftist hún 62 ára milljónamæringi, Michael Lewis, en þá var hún þrítug.

Nú hafa þau eignast dóttur saman og heitir hún Athena.

Spencer hefur sagt í viðtölum að hún ætli sér að ræða sem minnst einkalíf sitt í fjölmiðlum.

„Það er ekki það að ég leggi ekki áherslu á ást. Fyrir mér er ástin eitt það allra mikilvægasta í lífinu og ég mun vernda hana með öllu mínu hjarta. Ég geri það með að ræða hana ekki opinberlega,“ sagði Spencer í viðtali við tímaritið Town & Country.

„Ég hlakka til þess að eiga hamingjuríkt fjölskyldulíf. Gott hjónaband og hamingjusöm börn. Ég finn mikinn frið þegar ég hugsa til þess að hlutirnir fara eins og þeir eiga að fara.“

Frétt af mbl.is

Frænka Díönu giftist gömlum milljarðamæringi

Tengdar fréttir

Kóngafólk í fjölmiðlum

Á að hafa eytt mikilvægum gögnum

• Eiginkonan tjáir sig í fyrsta sinn eftir skilnaðinn
• „Það mun éta þig upp að innan“
• 84 ára fyrrverandi eiginmaður Camillu kominn á fast
• Anna prinsessa dvelur enn á spítala

» Fleiri tengdar fréttir

• Blogga um frétt