Þau sem keyra reglulega með ungabarn í bílnum hafa líklega upplifað sárar bílferðir þar sem barnið hættir ekki að gráta. Það getur verið einmanalegt og erfitt að sjá ekki mömmu og pabba þar sem stóllinn snýr öfugt á við alla hina í einhverri vél sem hreyfist á ógnar hraða. Þá auðvitað láta þau heyra í sér, sum meira en önnur. 

Hin Bandaríska Jacquie Ciccone, sem er tveggja barna móðir, deildi ráði sem virkar fyrir ungu dóttur hennar á TikTok-aðgangi sínum en yfir 17 milljónir hafa séð myndbandið. 

Það þurfti ekki meira en mynd af Ciccone á A4 blað fyrir framan litlu stúlkuna. „Þegar barnið þitt hatar bílinn en elskar andlitið þitt,“ skrifar Ciccone við færsluna. 

Barnið virðist hæst ánægt með að sjá móður sína nálægt með bros á vör.  Myndbandi hefur vakið mikla hrifningu á TikTok en við færsluna hafa mörg skrifað að þau vildu óska þess að þau hefðu vitað af þessu fyrr.

Einnig virðist ráðið virka vel í barnapössun. „Ég er barnfóstra og ég sýni barninu mynd af móður sinni þegar það er pirringur í því. Þetta virkar líka þegar það er tími til að gefa barninu að drekka úr pelanum,“ skrifaði einn notandi við myndbandið.

 New York Post

Tengdar fréttir

Uppeldisráð

Deilir uppáhaldssundlaugarleiknum sínum

• „Börn vilja rútínu, sérstaklega börn sem búa á tveimur heimilum“
• Grætur mun meira eftir að hann varð faðir
• Í hvað fer skjátími barnsins þíns?
• Vill tengjast börnunum sínum með kossum og knúsi

» Fleiri tengdar fréttir

• Blogga um frétt