Fjölskyldan | Fjölskyldulíf | mbl | 22.7.2024 | 11:45

Sonur Ara Braga og Dórótheu kominn með nafn

Ari Bragi og Dóróthea eru bæði fyrrverandi landsliðsfólk í frjálsum íþróttum, en þau kynntust í gegnum íþróttina fyrir rúmum áratug.

Ari Bragi Kárason og Dóróthea Jóhannesdóttir eignuðust son þann 9. maí síðastliðinn. Drengurinn er annað barn þeirra saman, en fyrir eiga þau dótturina Ellen Ingu.

Ari Bragi og Dóróthea eignuðust son

Fæðingin tók óvænta u-beygju á síðustu metrunum

Fjölskyldan er búsett í Kaupmannahöfn í Danmörku þar sem Ari Bragi starfar sem tónlistarmaður og spilar með fremstu jazz-tónlistarmönnum Danmerkur og Dóróthea starfar sem svæðissölustjóri fyrir danska hönnunarmerkið Design Letters.

Héldu skírnina á Íslandi

Um helgina fékk sonur Ara Braga og Dórótheu nafnið sitt við fallega skírnarathöfn á Íslandi, en fjölskyldan er í sumarfríi á klakanum og nýttu þau tímann til að skíra soninn. Drengurinn fékk nafnið Einar Freyr Arason.

Fjölskylduvefur mbl.is óskar þeim innilega til hamingju!