Birta nýja mynd af Georg 11 ára

Georg prins fagnar 11 ára afmæli í dag. Í tilefni af því var birt ný mynd af prinsinum sem móðir hans Katrín prinsessa af Wales tók.

Það er hefð í bresku kon­ungs­fjöl­skyld­unni að gefa út nýj­ar mynd­ir af meðlim­um henn­ar á af­mæl­is­dög­um þeirra. Þannig hef­ur verið gef­in út ný mynd af Georg allt frá fyrsta af­mæli hans. Að þessu sinni er myndin tekin í Windsor þar sem þau búa. 

Eftir ljósmyndahneykslið í kringum mæðradagsmynd Katrínar, þar sem hún var sökuð um að hafa átt stórlega við myndina af sér og börnum sínum, hafa hjónin valið að sniðganga fjölmiðla og birta fjölskyldumyndir beint á samfélagsmiðlum. Fjölmiðlar fá þá ekki myndina deginum áður líkt og tíðkaðist fram að því og geta þá bresku blöðin ekki birt afmælismyndir barnanna á forsíðu líkt og hefð var fyrir. Óljóst er hvenær grær um heilt á milli hallarinnar og fjölmiðla hvað myndbirtingar varðar.