Engin samvinna eftir skilnað

Halle Berry hefur beðið dómstóla um að skipa sínum fyrrverandi Olivier Martinez til þess að mæta til ráðgjafa sem sérhæfir sig í samvinnu foreldra eftir skilnað. Þeirri beiðni var hafnað.

Þetta hafði verið krafa í forsjársamningnum á milli þeirra til þess að leysa úr ágreiningi og minnka átök þeirra á milli svo þau geti verið góðir foreldrar fyrir strákinn þeirra Maceo sem er níu ára.

Berry heldur því fram að Martinez hafi ekki mætt í ráðgjöfina og tekið þá ákvörðun einhliða. Berry er síður en svo sátt. Hún segir að hann hafi með ásetningi rofið samkomulagið þeirra á milli og valdið syni þeirra skaða og valdið mikilli togstreitu í samskiptum við sig.

Berry vildi að dómstólar þvinguðu hann til þess að mæta á að minnsta kosti einn fund fyrir lok júlí og í kjölfarið halda áfram að mæta á þá fundi sem þegar hafa verið skipulagðir í ágúst.

Dómarinn vildi þó ekki skerast í leikinn þar sem aðstæður voru ekki nógu knýjandi og ekki spurning um neyðarástand.

Frétt af mbl.is

Halle Berry skilin við eiginmanninn

Meðan allt lék í lyndi. AFP

• Blogga um frétt