Jógakennarinn og heilsugúrúinn Eva Dögg Rúnarsdóttir á von á sínu fjórða barni með unnusta hennar, Stefáni Darra Þórssyni. Barnið er annað barn Evu Daggar og Stefáns Darra saman.
Eva Dögg og Stefán Darri hafa verið saman í sex ár og eignuðust sitt fyrsta barn saman sumarið 2022. Fyrir á Eva Dögg tvö börn úr fyrra sambandi.
Parið tilkynnti gleðitíðindin í sameiginlegri færslu á Instagram, en með færslunni birtu þau fallega myndaröð af óléttukúlunni. „Barn númer fjögur,“ skrifuðu þau við myndaröðina.
Fjölskylduvefur mbl.is óskar þeim innilega til hamingju!