Fjölskyldan | Uppeldi og heilsa | mbl | 7.9.2024 | 19:00

„Við 18 mánaða aldur er yfirleitt best að hætta öllum næturgjöfum“

Það getur reynst mörgum foreldrum erfitt að hætta næturgjöf. Ljósmynd/Kelly Sikkema

Hafdís Guðnadóttir, ljósmóðir og svefnráðgjafi barna, er uppfull af hjálplegum ráðum sem tengjast uppeldi barna. Hún fjallar gjarnan um svefn barna og sem getur oft reynst mikil áskorun fyrir foreldra.

Í nýjustu færslu sinni á Instagram talar Guðrún um næturgjafir.

„Ef þú vilt hjálpa barninu þínu að sofa vel en það sem er að stoppa þig eru tíðar næturgjafir, þá geturðu minnkað eða hætt næturgjöfum eftir því sem aldurinn leyfir.

Flest börn eru tilbúin að hætta næturgjöfum á aldrinum 6-9 mánaða, þegar þau eru farin að borða vel og halda sinni þyngdarkúrfu. Það er samt engin skylda að hætta næturgjöfum á þessum aldri, ef ykkur finnst þetta nice og þú vilt halda þessu áfram er það bara í góðu lagi.

En ef þú ert tilbúin að fara að minnka eða hætta næturgjöfum og barnið er vant að drekka mikið á næturnar er góð hugmynd að trappa gjafirnar niður, fyrst niður í 2, svo eina áður en hún er tekin alveg út. Sérstaklega fyrir börn í yngri kantinum. Ef barnið er orðið 9 mánaða geturðu smám saman hætt næturgjöfum á einni viku, ef barnið er vant að drekka mikið

Við 18 mánaða aldur er yfirleitt best að hætta öllum næturgjöfum í einu eða minnka þær hratt.“