Niðurstöður úr landskönnun á mataræði Íslendinga á aldrinum 18 til 80 ára leiddu í ljós að fáar konur á barneignaraldri ná viðmiðum næringarefna sem gegna mikilvægu hlutverki, sérstaklega á meðgöngu. 

Könnunin var framkvæmd á árunum 2019 til 2021 og leiddi í ljós að meðalneysla á fólati úr fæði væri undir ráðleggingum, og þá sérstaklega á meðal kvenna. Fólat er gríðarlega mikilvægt næringarefni á meðgöngu en skortur á því getur aukið líkur á alvarlegum skaða í miðtaugakerfi fósturs. 

Þá voru aðeins 12% kvenna á barneignaraldri sem tóku inn fæðubótarefni sem innihélt fólat, en öllum konum á barneignaraldri er ráðlagt að taka inn fólat sem fæðubótarefni. 

Járnneysla minnkaði frá síðustu könnun og var engin kona á barneignaraldri sem náði ráðlögðum dagskammti fyrir járn sem er hærri fyrir þann hóp (15 milligrömm á dag) miðað við aðra fullorðna (9 milligrömm á dag). Fram kemur að járn sé mikilvægt næringarefni fyrir súrefnisflutning í blóðinu, ónæmiskerfið og heila- og taugaþroska barna. 

Þá minnkaði neysla á joði um 20% að meðaltali frá síðustu könnun. Neyslan var minnst í yngsta aldurshópi kvenna, en sá hópur neytir minna af mjólkurvörum og fisk en aðrir. Mikilvægt er að konur séu með nægilegt magn af joði á meðgöngu þar sem næringarefnið gegnir mikilvægu ghlutverki í fósturþroska og þroska barnsins eftir fæðingu. 

Tengdar fréttir

Meðganga

Steldu meðgöngustílnum af Margot Robbie

• Katla upplifði að „þetta reddast“ ekki alltaf
• Katrín Edda fékk óvænta barnasturtu
• Hreppti þrjá Íslandsmeistaratitla eftir þrettán ára pásu og fjögur börn
• Eva Dögg ófrísk að fjórða barninu

» Fleiri tengdar fréttir

Mamman

Annie Mist opnar sig um brjóstagjöfina

• Fékk reikning upp á sjö milljónir eftir fæðingu á spítala
• Hreppti þrjá Íslandsmeistaratitla eftir þrettán ára pásu og fjögur börn
• „Það var alltaf smá hnútur í maganum eftir fósturmissinn“
• „Mér fannst ég aldrei með nógu fal­lega kúlu“

» Fleiri tengdar fréttir

• Blogga um frétt