Vatn lífsins frumsýnt

Nýtt ís­lenskt leik­rit, Vatn lífs­ins, eft­ir Benóný Ægis­son, var frum­sýnt á stóra sviði Þjóðleik­húss­ins á föstu­dags­kvöld.

Þetta er þriðja verk Benónýs sem sett er upp á svið at­vinnu­leik­húss en tvö hafa verið sett upp í Borg­ar­leik­hús­inu. Öll eiga verk­in sam­eig­in­legt að hafa unnið til verðlauna í leik­rita­sam­keppni en Vatn lífs­ins fékk 2. verðlaun í sam­keppni sem hald­in var í til­efni af hálfr­ar ald­ar af­mæli Þjóðleik­húss­ins.

Verkið ger­ist um þarsíðustu alda­mót og fylg­ir ung­um hug­sjóna­manni sem snýr heim til kaupstaðar­ins úr Vest­ur­heimi, upp­full­ur af fram­fara­hug­mynd­um - að hann tel­ur. Stefán Karl Stef­áns­son fer með hlut­verk Ill­uga en aðrir leik­ar­ar sem fara með stór hlut­verk eru Nanna Krist­ín Magnús­dótt­ir, Atli Rafn Sig­urðar­son, Anna Krist­ín Arn­gríms­dótt­ir og Mar­grét Guðmunds­dótt­ir en alls koma 22 leik­ar­ar fram í sýn­ing­unni. Leik­stjóri er Þór­hall­ur Sig­urðsson. Leik­mynd gerði Þór­unn Sig­ríður Þorgríms­dótt­ir, bún­inga Fil­ipp­ía I. Elís­dótt­ir, tónlist Vil­hjálm­ur Guðjóns­son og lýs­ing er í hönd­um Páls Ragn­ars­son­ar.