Fyrrverandi poppstjarnan Cat Stevens, sem tók upp nafnið Yusuf Islam þegar hann snerist til íslamstrúar, hefur hljóðritað fyrsta lag sitt í aldarfjórðung en tilefnið er að afla fjár fyrir börn sem hafa orðið fyrir áhrifum stríðsins í Írak. Stevens endurhljóðritaði lag sem hann gerði vinsælt árið 1971, „Peace Train“ í hljóðveri í Jóhannarborg í Suður-Afríku.

Lagið er eitt af mörgun á plötunni „Hope“ (Von) sem framleidd er fyrir góðgerðarsamtökin War Child en þau aðstoða börn sem hafa orðið illa úti í stríðshrjáðum löndum. Þeir sem eiga lag á plötunni eru m.a. Paul McCartney, David Bowie og George Michael.

Stevens ritar á vefsíðu sína: „Sem manneskja og múslimi legg ég fram þetta lag í þágu friðsamlegra lausna á hættulegri braut sem sumir þjóðarleiðtogar virðast vera að feta í dag.“

Vefsíða Cat Stevens

Tengdar fréttir

Stríð í Írak

25.000 flóttamenn hafa snúið aftur til Írak

• Tíu létust í tveimur sjálfsvígsárásum í Bagdad
• Blair neitar því að borgarastyrjöld ríki í Írak
• Meirihluti Dana styður brotthvarf hermanna frá Írak
• Fjórir íraskir hermenn ákærðir fyrir nauðgun

» Fleiri tengdar fréttir

• Blogga um frétt