Bandaríski kvikmyndaleikstjórinn Steven Spielberg og fjölskylda hans munu gefa 1,5 milljónir dala til hjálparstarfs vegna hamfaranna í Asíu um jólin. Að sögn Martyns Levys, fjölmiðlafulltrúa Spielbergs, verður fénu skipt milli nokkurra hjálparsamtaka sem eru að safna fé til mannúðarstarfsins við Indlandshaf.
Levy sagði að Spielberg-fjölskyldan gæfi almennt fé til góðgerðarmála án þess að það kæmi fram opinberlega en í þetta skipti hefði hún ákveðið að upplýsa það til að hvetja aðra til að gefa til hjálparstarfsins.
Þá hefur komið fram í fréttum í Hollywood að leikararnir Leonard di Caprio og Sandra Bullock hefðu gefið 1 milljón dala hvort til hjálparstarfsins.