Strandaglópur á flugvellinum í fimm mánuði

Hollenskur ferðamaður hefur nú loksins komist til síns heima eftir að hafa verið strandaglópur á flugvelli í Brasilíu í fimm mánuði. Sheridan Gregorio heitir þessi ferðalangur, og hann dvölin langa var á vellinum í Fortaleza.

Frá þessu greinir Ananova.com, og hefur eftir brasilíska blaðinu Jornal da Globo.

Þegar Gregorio kom á völlinn með gildan flugmiða heim til Hollands áttaði hann sig á því að hann var ekki búinn að greiða flugvallarskattinn, og var orðinn alveg blankur.

Hann missti af fluginu út af þessu, og þá var farmiðinn ekki lengur gildur og ekki hægt að fá hann endurgreiddan.

Gregorio átti ekki krónu og tók því til bragðs að gista á flugvellinum og vann sér til matar með þrifum á veitingastöðum, og fékk líka greitt smávegis fyrir það.

Þegar hann hafði aurað saman fyrir flugvallarskattinum náði brasilíska lögreglan samkomulagi við flugfélagið um að leyfa honum að nota gamla flugmiðann til að komast heim.

Hann ber Brasilíumönnum vel söguna, þeir hafi verið afskaplega góðir við sig.

• Blogga um frétt