Styttist í tónleika Franz Ferdinand

Nú styttist í að skoska rokksveitin Franz Ferdinand komi til Íslands, en hér heldur sveitin tónleika í Kaplakrika á föstudag. Í tilkynningu frá aðstandendum tónleikanna segir að tónleikagestir verði með þeim fyrstu sem fá að heyra efni af nýrri breiðskífu sveitarinnar, You Could Have It So Much Better.

„Fulltrúar okkar Íslendinga á tónleikum Franz Ferdinand í Kaplakrika verður hljómsveitin Jeff Who?, sem eru nýbúnir að ljúka við upptökum á sinni fyrstu breiðskífu sem Smekkleysa mun gefa út núna í haust,“ segir í tilkynningunni. Þar kemur fram að enn séu um 300 miðar eftir á tónleikana.

• Blogga um frétt