Emilíana Torrini og Sigur Rós fengu þrenn verðlaun þegar Íslensku tónlistarverðlaunin voru veitt í kvöld. Plata Emilíönu, Fisherman's Woman, var valin poppplata ársins. Emilíana var einnig valin söngkona ársins og fékk verðlaun fyrir myndband ársins. Plata Sigur Rósar, Takk, var valin rokkplata ársins, sveitin var valin flytjandi ársins og fékk einnig verðlaun fyrir plötuumslag.
Bubbi Morthens og Benni Hemm Hemm fengu tvenn verðlaun. Þá fékk Sigurður Flosason ein verðlaun og tók einnig við verðlaunum fyrir hönd Stórsveitar Reykjavíkur, sem var útnefnd flytjandi ársins í jasstónlist.
Ólafur Ragnar Grímsson, forseti Íslands, afhenti Guðmundi Jónssyni, óperusöngvara og söngkennara, heiðursverðlaun Íslensku tónlistarverðlaunanna. Guðmundur söng síðan fyrir viðstadda. Hvatningarverðlaun Samtóns voru veitt Kópavogsbæ fyrir hugmyndir um byggingu tónlistarhúss. Tók Gunnar Birgisson, bæjarstjóri, við viðurkenningunni.
Vinsælasta lag ársins, sem valið var af notendum vefsvæðisins Tónlistar.is, var My delusions með Ampop. Örn Elías Guðmundsson, Mugison, var valinn flytjandi ársins af netverjum. Þá fékk Sigur Rós útrásarverðlaun Reykjavíkur Loftbrúar.
Listinn yfir verðlaunahafana er eftirfarandi:
POPP
Hljómplata ársins
Fisherman’s Woman - Emilíana
Torrini
ROKK/JAÐARTÓNLIST
Hljómplata ársins
Takk - Sigur Rós
DÆGURTÓNLIST
Hljómplata ársins
Ást/...Í 6 skrefa fjarlægð frá paradís - Bubbi
ÝMIS TÓNLIST
Hljómplata ársins
Benni Hemm Hemm - Benni
Hemm Hemm
POPP, ROKK/JAÐARTÓNLIST, DÆGURTÓNLIST OG ÝMIS TÓNLIST
Flytjandi ársins:
Sigur Rós
Lag og texti ársins
Pabbi þarf að vinna - Baggalútur
Söngkona ársins:
Emilíana Torrini
Söngvari ársins:
Bubbi
SÍGILD- OG SAMTÍMATÓNLIST
Hljómplata ársins
Frá Strönd til fjarlægra stranda
Flytjandi ársins
Íslenska óperan - fyrir flutning á
Tökin hert eftir Benjamin Britten
Tónverk ársins
Ardente - Haukur Tómasson
DJASSTÓNLIST
Hljómplata ársins
Leiðin heim - Kvartett Sigurðar
Flosasonar
Flytjandi ársins
Stórsveit Reykjavíkur
Lag ársins
„Cold Front“ - Cold Front
ÖNNUR VERÐLAUN
Myndband ársins:
Emilíana Torrini - Sunnyroad
Plötuumslag ársins
Sigur Rós - Takk
Bjartasta vonin
Benni Hemm Hemm.