Michael Jackson semur lag fyrir Páfagarð

Heyrst hefur að Michael Jackson ætli að semja lag fyrir Páfagarð. Viðræður standa nú yfir og hefur faðir Guiseppe Moscati sagt að Michael Jackson sé áhugasamur um verkefni sem þeir eru að vinna að.

Munu menn í Páfagarði hafa áhuga á að fá Jackson til að semja tónlist við bænir Jóhannesar Páls II páfa heitins.

Popstjarnan er einnig að vinna að smáskífu sem nefnist The bottom of My Heart og á ágóðinn af henni að renna til fórnarlamba fellibylsins Katrínar. Lagið er unnið í samstarfi við aðrar stórstjörnur á borð við James Brown, Jay-Z, Maríu Carey og Maríu J. Blige.

Talsmaður Jacksons sagði að lagið væri alveg að klárast, einungis ættu tveir eða þrír listamenn eftir að syngja inn á það og síðan mun Jackson syngja sinn hluta.

• Blogga um frétt