Birgitta Haukdal syngur með Stuðmönnum

Söngkonan Birgitta Haukdal mun syngja með hljómsveitinni Stuðmönnum í sumar, en hún hefur að undanförnu sungið með sveitinni á árshátíðum og á böllum. Hún segir að stefnt sé á að sveitin fari í tónleikaferðalag um landið í sumar. "Já við erum að skoða saman hvað við getum gert. Það væri gaman að taka nokkra staði á landinu og halda skemmtilega tónleika, við myndum ná til svo breiðs aldurshóps," segir Birgitta. Hún segist þó ekki geta staðfest að samstarfið sé komið til að vera. "Maður veit það bara aldrei, það er svo erfitt að segja, en ég ætla allavega að taka smátúr með þeim í sumar," segir hún.

Sjá nánar í Morgunblaðinu í dag.