JK Rowling sætir harðri gagnrýni aðdáenda Potters

JK Rowling, höfundur Harry Potter bókanna hefur sætt harðri gagnrýni aðdáenda bókanna eftir að hún upplýsti að ein aðalsöguhetja bókanna muni láta lífið í sjöundu og síðustu bókinni um galdrastrákinn og vini hans. Mikillar reiði hefur gætt í garð höfundarins á vef- og bloggsíðum aðdáenda Potters eftir að hún upplýsti um áform sín í síðustu viku og hafa þeir jafnvel sakað hana um tilfinningaleysi gagnvart börnum og kallað hana galdrakvendi með pyntingahneigð.

Rowling neitaði að greina frá því hver aðalpersónanna væri feig og bar við ótta við reiði aðdáendanna. Hún gaf þó í skyn að það væri Harry sjálfur er hún sagði: „Það hefur aldrei freistað mín að drepa hann, Harry, fyrr en í lok sjöundu bókarinnar því ég ætlaði alltaf að skrifa sjö bækur og það er það sem ég ætla að gera.”

• 1 blogg um fréttina

Bloggað um fréttina

• Pálína Erna Ásgeirsdóttir: Hvers vegna að vera að gefa einhverjar upplýsingar yfirleitt?